Միայն Լիբանանում սիրիացի փախստականների թիվը հասել է 1,3 միլիոնի
Սիրիայից Լիբանան տեղափոխված փախստականների թիվը գերազանցում է 1,3 միլիոնը, հաղորդել են լիբանանական լրատվամիջոցները` վկայակոչելով երկրի ԱԳ նախարար Մանսուր Ադնանին:
Նա նշել է, որ Լիբանանը մեծ դժվարությունների առջեւ է կանգնել եւ խնդրել է միջազգային հանրությանը «պատասխանատվություն ստանձնել» նրանց օգնություն ցուցաբերելու հարցում: «Լիբանանը, չնայած սահմանափակ հնարավորություններին, ընդունում է փախստականներին, սակայն դա չի նշանակում, որ նա պետք է միայնակ մնա արդեն գագաթնակետին հասած խնդիրների հետ», -հայտարարել է Ադնանը:
