Ովքե՞ր են ԱՄՆ ամենահարուստ վեց ամուրիները
Հայտնի են ԱՄՆ ամենհարուստ ամուրիների անունները: Forbes-ի հրապարակած ԱՄՆ 400 միլիարդատերերի ցուցակում մինչեւ 50 տարեկան միայն վեց ամուրի կա:
Այդ վեցյակից ոմանք արդեն իրենց ընտրյալների հետ հարաբերությունների ձեւակերպման եզրին են: Ցուցակի ամենահայտնին Twitter-ի եւ Square-ի հիմնադիր Ջեք Դորսին է, ով բրիտանացի մոդել Լիլի Քոուլից բաժանվելուց հետո հանդիպում է յոգայի ինստրուկտոր Քեյթ Գրիրի հետ: 36-ամյա Դորսիի կարողությունը գնահատվում է 1,3 մլրդ դոլար:
Բացի այդ, առաջիկայում սպասվում է նաեւ eBay-ի նախկին նախագահ, հայտնի մեկենաս 48-ամյա Ջեֆ Սքոլի հարսանիքը, ով ունի 3,8 մլրդ դոլար:
Հարուստ փեսացուների թվում են նաեւ Enterprise Products Partners-ի 31-ամյա բաժնետեր Սքոթ Դունկանը` 5,5 մլրդ դոլարով, շվեյցարական «GlencoreXstrata» թրեյդերի համասեփականտաեր 49-ամյա Թոր Փեթերսոնը, որն ունի երկու մլրդ դոլար, Ubiquiti Networks-ի գլխավոր տնօրեն Ռոբերտ Փերան` 1,95 մլրդ դոլարով եւ PayPal համակարգի համահիմնադիր, 45-ամյա Փիթեր Թիլը` 1,8 մլրդ դոլարով:
