Ուկրաինան «թոզ է փչում»` հայտարարելով թե ԵՄ-ին, թե ՄՄ-ին ինտեգրվելու մասին. Մեդվեդև
Ռուսաստանի վարչապետ Դմիտրի Մեդվեդեւը կասկած է հայտնել Ուկրաինայի` Եվրամիությանն ու Մաքսային միությանը զուգահեռ ինտեգրվելու ցանկության վերաբերյալ: «Լատիներեն ասացվածք կա` «Aut nihil aut caesar» («Կեսարը կամ ոչինչ»` «ամեն ինչ կամ ոչինչ»-ի համարժեքն է): Նույնը կարող եմ ասել Եվրամիությանն ասոցացվելու ու Մաքսային միությանը մասնակցելու մասին»,-նշել է Մեդվեդեւը:
«Ցանկությունը` լինել թե այստեղ, եւ թե այնտեղ` խորամանկություն է: Սա պարզապես, կներեք, սեփական ժողովրդի աչքին «թոզ փչել» է: Որ մենք մի քիչ այնտեղ ենք, մի քիչ` այստեղ եւ բոլոր տեղերից շահ ունենք` նման բան չի լինում»,-ավելացրել է Մեդվեդեւը:
Նախօրեին Ուկրաինայի կառավարությունը հավանության էր արժանացրել ԵՄ հետ ասոցացման համաձայնագիրը:
