PKK-ն վերստին ցանկանում է ունենալ իր հեռուստաալիքը
Թուրքական Star թերթի փոխանցմամբ՝ հետախուզական զեկույցները վկայել են, որ Թուրքիայից իր զինյալների դուրս բերման գործընթացը կասեցնելու մասին հայտարարած «Քրդստանի աշխատավորական» կուսակցությունը (PKK) ցանկանում է բացել նոր հեռուստաալիք, որը կփոխարինի Դանիայում փակված նրա Roj TV հեռուստաալիքին:
Այդ նպատակով PKK-ն դրամահավաք է կազմակերպել քրդաբնակ շրջաններում՝ հեռուստաալիքի բացման համար անհրաժեշտ ֆինանսավորում հայթայթելու համար: Վերջին շրջանում ժողովրդից բռնագանձումները նոր թափ են հավաքել:
