Սուրեն Խաչատրյանը պատրաստվում է կնոջը՝ Լորետային և որդուն հեռացնել Հայաստանից
«ժողովուրդ» թերթի տեղեկություններով` Սյունիքի նախկին մարզպետ Սուրեն Խաչատրյանը, պատրաստվում է իր կնոջը՝ Լորետա Բարսեղյանին, և որդուն՝ Տիգրան Խաչատրյանին, որոշ ժամանակով ուղարկել Ֆրանսիայի Մարսել քաղաք։ Թերթի աղբյուրները փոխանցում են, որ Խաչատրյանն այնտեղ բիզնեսներ ունի ու հիմա որոշել է որոշ ժամանակով իր ընտանիքի անդամներին հեռացնել երկրից, մինչև հասարակությունը մոռանա իր տան բակում կատարվածը։ «Ս. Խաչատրյանը «ժողովուրդ»-ի հետ զրույցում, բնականաբար, ասաց, թե դրանք սուտ տեղեկություններ են. «Չէ, Էդ ո՞վ է ասում, դե ամեն օր մի բան են ասում, հո մենք ամեն օր չենք մտածի, թե ինչ պատասխանենք։ Ամեն օր ինչ-որ տեղեկություն է տարածվում, մի հայտարարություն են անում, հո մենք պարա՞պ չենք, որ նստենք, այդ սուտ տեղեկություններին պատասխանենք»։
Կարդացեք «Ժողովուրդ» թերթի այսօրվա համարում։
