Վթարի է ենթարկվել Սոչի- Երևան միկրոավտոբուսը. զոհվել է ՀՀ 5 քաղաքացի (լուսանկարներ, տեսանյութ) (լրացված)

Սեպտեմբերի 11-ին, ժամը 03.25-ին ՌԴ ԱԻՆ միջազգային հարաբերությունների մասնագետից տեղեկատվություն է ստացվել, որ Սոչի – Երևան ավտոճանապարհի 129-րդ կմ-ում տեղի է ունեցել ՃՏՊ. կան տուժածներ:

Դեռևս չպարզված հանգամանքներում «Մերսեդես» մակնիշի 12RM012 պետհամարանիշի միկրոավտոբուսը բախվել է ճամփեզրին կայանված «ԳԱԶ-53» մակնիշի У741EE93 պետհամարանիշի բեռնատարին:Դեպքի մասին տեղեկացվել է ՀՀ ԱԻՆ ՃԿԿ-ի հետ համագործակցող ՀՀ ԱԳՆ պատասխանատու աշխատակիցը:

Դեռևս չպարզված հանգամանքներում «Մերսեդես» մակնիշի 12RH012 պետհամարանիշի միկրոավտոբուսը դուրս է եկել ավտոճանապարհի երթևեկելի հատվածից և բախվել ճամփեզրին կայանված «ԳԱԶ-53» մակնիշի օ741ee93 պետհամարանիշի բեռնատարին:

Ըստ նախնական տվյալների՝ միկրոավտոբուսում գտնվող ՀՀ 15 քաղաքացիներից հինգը (մեկի ինքնությունը դեռևս չի հաջողվել պարզել) 2005թ. ծնված Պ. Պ.-ն, 1985թ. ծնված Մ. Ս.-ն, Լ. Խ.-ն և 1971թ. ծնված Ա. Բ.-ն տեղում զոհվել են, իսկ Ա. Բ.-ն (ծնվ. 1985 թ.), Ա.Վ.-ն (ծնվ. 2009 թ.), Գ. Հ.-ն (ծնվ. 1990 թ.) և Ն. Ս.-ն (ծնվ. 1986 թ.), Ա. Մ.-ն (ծնվ. 1995թ.), Ֆ. Բ.-ն (ծնվ. 2007թ.) և Ա. Բ.-ն (ծնվ. 1961թ.) տեղափոխվել են Գուլկեևիչի քաղաքի ԲԿ:

Բժիշկները տուժածների առողջական վիճակը գնահատել են միջին ծանրության:

Իսկ միկրոավտոբուսի երեք քաղաքացիները ժամանակավորապես տեղավորվել են Գուլկեևիչի քաղաքի «Զվյոզդնայա» հյուրանոցային համալիրում:

Դեպքի մասին տեղեկացվել է ՀՀ ԱԻՆ ՃԿԿ-ի հետ համագործակցող ՀՀ ԱԳՆ պատասխանատու աշխատակիցը և ԱԱԾ ՕՀ փ/գ-տ-ը:

Դեպքի վերաբերյալ կտրվի լրացուցիչ տեղեկատվություն:

Life News պարբերականը ներկայացնում է զոհերի և տուժածների ցուցակը:

Զոհերից մեկի անձն առայժմ չի հաստատվել:

Զոհերն են.

1. Սահակյան Մարյան՝ 1985թ ծնված,

2. Խաչատրյան Լուսինա, ծննդյան տարեթիվը ճշտվում է,

3. Փարնեցյան Փիրիկ՝ 2005թ ծնված,

4. Բաբայան Արմեն՝ 1971թ ծնված,

5. պարզվում է: