Թուրքիայի պաշտպանության նախարարը գոհ է Ադրբեջանի հետ ռազմական համագործակցության մակարդակից
Ադրբեջանական APA լրատվական գործակալությանը տված հարցազրույցի ժամանակ Թուրքիայի պաշտպանության նախարար Իսմեթ Յըլմազը հայտարարել է, որ Ադրբեջանի հետ համագործակցությունում չկա որևէ բան, որը չգոհացնի իրենց.
«Երբ Թուրքիան 1991 թվականին ճանաչեց Ադրբեջանի անկախությունը, քայլեր ձեռնարկվեցին՝ երկու երկրների միջև ռազմական համագործակցություն սկսելու ուղղությամբ: Երկու երկրների միջև բոլոր ոլորտներում, նաև ռազմական ոլորտում կապերը զարգանում են աճող ուղղություններով:
Ամեն անգամ, երբ մենք հավաքվում ենք մեր ադրբեջանցի գործընկերների հետ, մենք անում ենք հերթական քայլերը համագործակցության զարգացման վերաբերյալ: Ռազմական ոլորտում մեր համագործակցության ներկայիս մակարդակում չկա մեկ պահ, որը չգոհացնի մեզ»:
