Քննարկում են սիրիահայերի համար 50 առանձնատներով թաղամասի հիմնման հարցը
Քաշաթաղի Քաշաթաղի շրջանի Իշխանաձորի համայնքում շարունակվում են սիրիահայերի համար նախատեսվող 10 բնակարանանոց շենքի շինարարական աշխատանքները։
Շինարարություն, որն իրականացվում է «Քաշաթաղ» բարեգործական հիմնադրամի կողմից, նախատեսվում է ավարտին հասցնել սեպտեմբեր ամսում, իհարկե, եթե ֆինանսավորումը ժամանակին կատարվի։ Ինչպես Արցախի հանրային հեռուստատեսությանն ասել է Իշխանաձորի համայնքի ղեկավար Արսեն Հելունցը՝ տեխնիկայի եւ աշխատուժի խնդիր չունեն, հիմնականում ֆինանսական խնդիր է լինում։
Նշված շենքից բացի սիրիահայերի համար նախատեսվում է նաեւ հիմնել 50 առանձնատներից բաղկացած թաղամաս։ Ծրագիրը դեռեւս քննարկման փուլում է։
