Սիրիայի դեմ հնարավոր ռազմական կամպանիայի ժամանակ կարող է օգտագործվել «Ինջիրլիքի» ավիաբազան
Թուրքական Hürriyet թերթի փոխանցմամբ՝ եթե Արևմտյան երկրները ռազմական կամպանիա ձեռնարկեն Սիրիայի դեմ, ապա չի բացառվում, որ դրա շրջանակներում կարող է օգտագործվել Թուրքիայում գտնվող «Ինջիրլիքի» ավիաբազան, որը գտնվում է Ադանայի մերձակայքում:
«Ինջիրլիքի» բազայի օգտագործման հարցը քննարկվելու է օգոստոսի 30-ին Հորդանանում կայանալիք 11 երկրների ռազմական հրամանատարության բարձրաստիճան ներկայացուցիչների հանդիպման ժամանակ:
Բացի այդ, Թուրքիայի արտգործնախարար Ահմեթ Դավութօղլուն հերթական անգամ հեռախոսազրույց է ունեցել ԱՄՆ պետքարտուղար Ջոն Քերիի հետ՝ կապված Սիրիայի հետ:
Հեռախոսազրույցի ժամանակ կողմերը եկել են այն եզրակացության, որ եթե Ռուսաստանն ու Չինաստանը վերստին արգելափակեն Սիրիայի վերաբերյալ ՄԱԿ ԱԽ-ի կողմից բանաձև ընդունելը, ապա ՄԱԿ ԱԽ-ի մնացյալ անդամները ձեռնամուխ կլինեն այլ միջոցների՝ կանխելու համար Սիրիայում արյունահեղությունը:
