Թուրքիան խստացրել է անվտանգության միջոցառումները Սիրիայի հետ սահմանին
CNN Türk-ի փոխանցմամբ՝ Թուրքիան առավելագույն կերպ խստացրել է Սիրիայի հետ սահմանին անվտանգության միջոցառումները: Դա տեղի է ունեցել այն բանից հետո, ինչ օգոստոսի 21-ին տեղեկատվություն է ստացվել, որ Դամասկոսի արվարձանի մոտ կիրառվել է քիմիական զենք:
Թուրքիայի Հաթայ, Շանլըուրֆա և Քիլիսի նահանգներում բժիշկները մանրակրկիտ հետազոտում են սիրիացի փախստականներին: Դա մասնավորապես վերաբերում է այդ երեք նահանգների այն շրջաններին, որոնք գտնվում են Սիրիայի հետ սահմանի անմիջական հարևանությամբ:
