Վրաստանի ԿԸՀ-ը հանրաքվե չի անցկացնի վաղաժամ խորհրդարանական ընտրություններ անցկացնելու շուրջ
Грузия Online-ի փոխանցմամբ՝ Վրաստանի ԿԸՀ-ը հրաժարվել է հանրաքվե անցկացնել 2014 թվականին երկրում վաղաժամ խորհրդարանական ընտրություններ անցկացնելու շուրջ:
Առաջարկվում էր այդ հանրաքվեն անցկացնել հոկտեմբերի 27-ին Վրաստանում անցկացվելիք նախագահական ընտրությունների զուգահեռ, որի ժամանակ մարդիկ կպատասխանեին, թե արդյոք կո՞ղմ են, որ 2014 թվականին Վրաստանում անցկացվեն խորհրդարանական արտահերթ ընտրություններ:
ԿԸՀ-ը մերժել է գրանցել այդ հայտը: Հանրաքվեի նախաձեռնողներն իրենց նախաձեռնությունը բացատրում են նրանով, որ նախորդ տարվա հոկտեմբերի 1-ին անցկացված խորհրդարանական ընտրությունները, որոնցում հաղթել է ընդդիմադիր «Վրացական երազանք» դաշինքը, անցել են «ոչ նորմալ և արտասովոր իրավիճակում»:
