Ռուսաստանի զինված ուժերում կիբերսպառնալիքի դեմ պայքարի ստորաբաժանում կստեղծվի
«Эхо Москвы» ռադիոկայանի հարցազրույցում Հեռանկարային հետազոտությունների ռուսաստանյան հիմնադրամի ղեկավար Անդրեյ Գրիգորեւը հաստատել է, որ Ռուսասատանի զինված ուժերում ստեղծվում է զորքերի նոր տեսակ` կիբերսպառնալիքի դեմ պայքարի համար: «ՌԻԱ Նովոստիին» ՌԴ պաշտպանության նախարարության աղբյուրներն ավելի վաղ հայտնել են, որ այդ ստրաբաժանումը կստեղծվի մինչեւ տարեվերջ:
«Արդեն որոշում ընդունվել է կիբերհրամանատարություն ստեղծելու մասին: Մենք արդեն փոխգործակցում ենք այն անձանց հետ, ովքեր այնտեղ պետք է աշխատեն, եւ ներկայումս մշակում ենք ծրագրի ընդհանուր հայեցակարգը»,-ասել է Գրիգորեւը:
