ԵՄ-ն Ադրբեջանի իշխանություններին կոչ է արել հավասար պայմաններ ստեղծել բոլոր թեկնածուների համար
Haqqin.az պորտալի փոխանցմամբ՝ ԵՄ-ն Ադրբեջանի իշխանություններին կոչ է արել պայմաններ ստեղծել առաջիկա նախագահական ընտրություններին բոլոր թեկնածուների մասնակցության համար: Այս մասին հայտարարել է ԵՄ-ի դիվանագիտության ղեկավար Քեթրին Էշթոնի պաշտոնական ներկայացուցիչ Մայքլ Մաննը:
Վերջինիս խոսքերով՝ բոլոր թեկնածուներին պետք է տրվեն հավասար պայմաններ՝ ընտրություններին մասնակցելու համար. «Մենք նաև աջակցում ենք Ադրբեջանում տիրող նախընտրական իրավիճակի մասին ԵԱՀԿ-ի առաքելության գնահատիչ հաշվետվությանը: Հաշվետվությունում կան մի շարք հարցեր, որոնց պետք է լուծել»:
