Մոլորված զինվորի հարցով հայկական կողմը դիմել է Կարմիր Խաչին
Հայկական Զինված ուժերի 22-ամյա շարքային Հակոբ Ինջիղուլյանի մոլորվելու և ադրբեջանական հսկողության տակ գտնվող տարածքում հայտնվելու մասին տեղյակ է պահվել Կարմիր Խաչի միջազգային կոմիտեն՝ զինվորի վերադարձը ապահովելու համար։ Այդ մասին «Ազատություն» ռադիոկայանին փոխանցել է Հայաստանի պաշտպանության նախարարի մամուլի քարտուղար Արծրուն Հովհաննիսյանը:
Հովհաննիսյանը նաև հերքել է ադրբեջանական որոշ լրատվամիջոցների հաղորդումը, իբր ադրբեջանական տարածքում երկու հայ զինծառայող էր հայտնվել, որոնցից մեկը, փորձելով փախչել, չեզոք գոտում պայթել է ականի վրա:
