Բուլղարական ոստիկանությունը խորհրդարանի շենքն ազատել է բարիկադների շղթայից
Sofia Globe առցանց պորտալի փոխանցմամբ՝ Սոֆիայի ոստիկանությանը հաջողվել է ճեղքել խորհրդարանի շենքի շուրջ հակակառավարական ակցիայի մասնակիցների կառուցած բարիկադները, ուր ողջ գիշեր մնացել են շրջափակված նախարարներն ու լրագրողները:
Ավելի վաղ բողոքի ակցիայի մասնակիցները Բուլղարիայի մայրաքաղաքում շրջափակել էին խորհրդարանի շենքը՝ դրա շուրջ կառուցելով բարիկադներ և հնչեցնելով հակակառավարական կարգախոսներ:
Բուլղարիայում բողոքի ակցիաները մեկնարկել են 40 օր առաջ, երբ մեդիա-մագնատ Դելյան Պեևսկին նշանակվեց Ազգային անվտանգության պետական ծառայության ղեկավար:
Դրանից քիչ անց Պեևսկին հայտարարեց, որ համաձայն է հրաժարական տալ, սակայն բողոքի ակցիաները չդադարեցին: Ցուցարարներն այժմ պահանջում են ողջ Նախարարների կաբինետի հրաժարականը:
