«Հարսնաքարի» գործով նիստ տեղի չունեցավ
Երևանի Ավան և Նոր Նորք վարչական շրջանների ընդհանուր իրավասության դատարանում այսօր նշանակված էր «Հարսնաքարի» գործով դատական հերթական նիստը, որը, սակայն, տեղի չունեցավ: Դատարանից հայտնեցին, որ դատավոր Դավիթ Հարությունյանը մեկ այլ դատական գործով գտնվում է խորհրդակցական սենյակում, ուստի դատական հաջորդ նիստի օրվա և ժամի մասին կտեղեկացնեն լրացուցիչ:
Նշենք, որ դատական այս նիստում պետք է քննարկվեր գործով տուժողների ներկայացուցիչներ Տիգրան Եգորյանի և Լուսինե Հակոբյանի՝ դատարան նոր վկաներ հրավիրելու միջնորդությունը:
