Աբդուլլահ Գյուլն օգոստոսի կեսին կայցելի Ադրբեջան
Ադրբեջանական Trend լրատվական գործակալության փոխանցմամբ՝ ակնկալվում է, որ Թուրքիայի նախագահ Աբդուլլահ Գյուլն Ադրբեջան է այցելելու օգոստոսի 15-16-ին: Այս մասին գործակալությանը հայտնել է Գյուլի գլխավոր խորհրդական Ահմեթ Սևերը:
Գյուլը մասնակցելու է Բաքվում կայանալիք Թյուրքալեզու երկրների համագործակցության խորհրդի հերթական գագաթաժողովին: Սևերի խոսքերով՝ իր ադրբեջանական այցի ընթացքում Գյուլը մի շարք հանդիպումներ է ունենալու Ադրբեջանի պաշտոնատար անձանց հետ:
Միևնույն ժամանակ Ադրբեջանի պաշտպանության նախարար Սաֆար Աբիևը երեկ ընդունել է Թուրքիայի պաշտպանական արդյունաբերության խորհրդի պատվիրակությանը: Ադրբեջանի պաշտպանության նախարարության մամուլի ծառայությունը հայտնել է, որ հանդիպման ժամանակ քննարկվել են ռազմական տեխնիկական ոլորտում համագործակցության առաջնահերթությունները:
