Իրանը ռազմածովային զորավարժություններ է սկսել Կասպից ծովում
Իրանական Fars լրատվական գործակալության փոխանցմամբ` Իրանը Կասպից ծովում սկսել է իրականացնել Sustainable Security 2013 ռազմածովային զորավարժությունները:
Իրանցի զորահրամանատարների խոսքերով` հնգօրյա զորավարժություններ միտված են ծովային ուղիների պաշտպանությանը, առևտրանավերի ու լցանավերի անվտանգության ապահովմանը, ինչպես նաև հնարավոր սպառնալիքներին ռազմական ու նավահանգստային կառույցների նախապատրաստմանը:
Զորավարժություններն անցկացվում են Աստարա, Նոշահր, Էնզելի և Ամիր Աբադ նավահանգստային քաղաքներում: Դրանք անցկացվում են Գիլան և Մազանդարան նահանգների ռազմածովային ուժերի համագործակցությամբ:
