Պաշտոնանկությունները շարունակվում են. աշխատանքից ազատվել է սպորտի և երիտասարդության հարցերով փոխնախարարը
Պաշտոնանկությունների շարանը, որն սկսվեց Սյունիքի մարզպետ Սուրիկ Խաչատրյանի հրաժարականի հաստատմամբ, շարունակվում են։ Ինչպես արդեն տեղեկացրել ենք, այսօր սպորտի և երիտասարդության հարցերով նախարար Յուրի Վարդանյանն աշխատանքից ազատել է նախարարության աշխատակազմի ղեկավար Վ. Էլոյանին:
168.am-ին հայտնի դարձավ, որ սեփական դիմումի համաձայն աշխատանքից ազատվել է նաև սպորտի փոխնախարար Սամվել Խաչատրյանը: Վերջինիս պաշտոնանկությունն, ի դեպ, անսպասելի չէր։ ԲՀԿ-ական Ս. Խաչատրյանը այն մարդն է, ով բաց նամակով սուր քննադատության էր ենթարկել Յուրի Վարդանյանին։
