ՀՀԿ ԳՄ նիստում կադրային հարցեր չեն քննարկվել
Քիչ առաջ ավարտվեց ՀՀԿ ԳՄ նիստը, որին, ինչպես պարզվեց, ներկա չէր ՀՀԿ մամուլի խոսնակ Էդուարդ Շարմազանովը: Վերջինիս փոխարեն ոչ-ոք չմոտեցավ լրագրողներին:
Լրագրողները դրսում հանդիպեցին կրթության և գիտության նախարար Արմեն Աշոտյանին, ով ասաց, որ կադրային հարցեր չեն քննարկվել: «Միայն արտաքին և ներքին քաղաքականությանը վերաբերող հարցեր ենք քննարկել: Կադրային խնդիրներ չենք քննարկել»,- ասաց Արմեն Աշոտյանն ու հավելեց, որ ինքն իրավասու չէ պատասխանել այլ հարցերի:
ԱԺ ՀՀԿ խմբակցության ղեկավար Գալուստ Սահակյանը նույնպես նիստից մանրամասներ չհաղորդեց:
Հիշեցնենք՝ ակնկալվում էր, որ այսօրվա նիստում կքննարկվեր մի քանի մարզպետների պաշտոնանկության հարցը:
