Հրանտ Բագրատյանը՝ իր և Տիգրան Սարգսյանի զրույցի մասին. մամուլ
««Ժողովուրդի» լավատեղյակ աղբյուրները փոխանցում են, որ նախօրեին ԱԺ ՀԱԿ խմբակցության անդամ Հրանտ Բագրատյանն ու ՀՀ վարչապետ Տիգրան Սարգսյանը հանդիպել և առանձնազրույց են ունեցել»,- գրում է «Ժողովուրդ» օրաթերթն ու հավելում.
«Երեկ փորձեցինք Հ. Բագրատյանից պարզել, թե որն է եղել իր և վարչապետի հանդիպման նպատակը, ու, առհասարակ, ինչ են քննարկել: «Վարչապետ Տիգրան Սարգսյանի հետ առանձին հանդիպում չի եղել: Պարզապես եղել է կարճատև զրույց խորհրդարանի դահլիճում՝ ընդմիջումից հետո»,- մեզ հետ զրույցում նշեց պատգամավորը՝ չցանկանալով մանրամասնել, թե այդ կարճատև զրույցի ժամանակ ինչ են քննարկել:
Հիշեցնենք, որ Տ. Սարգսյանը մշտապես վախեցած է Բագրատյանի քննադատություններից և անգամ ԼՂՀ վարչապետի միջոցով էր փորձել հարաբերությունները կարգավորել, ինչը չէր ստացվել: Հետաքրքիր է՝ այս անգամ կարողացե՞լ է համոզել Բագրատյանին՝ խնայել իրեն»:
