ԵՄ-ը մտահոգություն է հայտնել Սիրիայի շուրջ ստեղծված իրավիճակի կապակցությամբ
Ռուսական РИА Новости լրատվական կայքի փոխանցմամբ՝ ԵՄ-ը մտահոգություն է հայտնել Սիրիայի շուրջ ստեղծված իրավիճակի կապակցությամբ և կոչ է անում դրան առնչվող բոլոր կողմերին հրաժարվել այնպիսի գործողություններից, որոնք կարող են խորացնել տարածաշրջանում առկա անվտանգության՝ առանց այն էլ փխրուն իրավիճակը:
Այս մասին այսօր Բրյուսելում լրագրողների հետ զրույցում հայտարարել է ԵՄ-ի դիվանագիտության ղեկավար Քեթրին Էշթոնի ներկայացուցիչ Մայքլ Մեննը: Վերջինս նման կերպ է մեկնաբանել Դամասկոսի արվարձաններում գտնվող օբյեկտներին իսրայելական ավիացիայի կողմից մայիսի 3-ին ու 5-ին հարվածներ հասցնելու մասին հաղորդագրությունը:
