Րաֆֆի Հովհաննիսյանը՝ իր Մոսկվա կատարած այցի մասին
168.am-ի հետ զրույցում «Ժառանգություն» կուսակցության նախագահ Րաֆֆի Հովհաննիսյանն, ի պատասխան այն հարցին, թե, ի վերջո, ո՞ւմ հետ հանդիպեցիք Մոսկվայում և ի՞նչ տվեց Ձեզ այդ այցը, ասաց.
«Ես հանդիպել եմ մի քանի հոգու հետ: Քանի որ հարգում եմ յուրաքանչյուրի ցանկությունը, իր խնդրանքով, երբ թե՛ հայ, թե՛ ռուսաստանյան զրուցակիցները ցանկանան դրա մասին խոսել, իրենք կարող են խոսել: Մոսկվայում ունեցել եմ մի քանի մասնավոր հանդիպումներ: Ճիշտ է, ես կողմնակից եմ բացի ու թափանցիկի, բայց երբ իրենք վերանայեն իրենց մոտեցումն ու որոշեն խոսել հանդիպումների մասին, ես սիրով կավելացնեմ իրենց խոսքին»:
Մեր հարցին, թե հանդիպումները ՌԴ պաշտոնական շրջանակների հե՞տ են եղել, Ր. Հովհաննիսյանը պատասխանեց, որ այցը մասնավոր էր:
Հիշեցնենք, որ ապրիլի 9-ի իրադարձություններից հետո Րաֆֆի Հովհաննիսյանը մեկօրյա այցով մեկնել էր Մոսկվա:
