Սադրիչները. մամուլ
«Երևանի ավագանու ընտրություններին ընդառաջ Հայ ազգային կոնգրեսի ակտիվիստների դռնեդուռ ակցիայի ընթացքում երեկ միջադեպ է գրանցվել»,- գրում է «Չորրորդ Ինքնիշխանություն» օրաթերթը և շարունակում.
«Երբ երիտասարդները ՀԱԿ քարոզչական նյութեր տարածելիս են եղել մայրաքաղաքի Կոզերն թաղամասում, նրանց է մոտեցել երեք երիտասարդ, որոնցից մեկը հայհոյանք է հնչեցրել ակտիվիստների հասցեին: Հասկանալով, որ տեղի ունեցողը սադրանք է, ակտիվիստները որևէ կերպ սադրանքին չեն արձագանքել և շարունակել են իրենց աշխատանքը:
Շուրջ տասը րոպե անց հայհոյող երիտասարդը մոտեցել է ակտիվիստներին և փորձել է վեճ հրահրել` վիրավորական խոսքեր հնչեցնելով երիտասարդների և ՀԱԿ-ի հասցեին: Ակտիվիստները նրան փորձել են կարգի հրավիրել, սակայն նա շարունակել է, բայց երբ նկատել է, որ «ՉԻ» թղթակիցը լուսանկարում է իրեն` շատ արագ հեռացել է»:
