Վրաերթի է ենթարկվել «Ժողինստիտուտի» ուսանողուհին (լուսանկարներ)
Այսօր՝ ապրիլի 23-ին, վրաերթ է տեղի ունեցել Երևանում: Ժամը 09:30-ի սահմաններում Բաղրամյան պողոտայի բնակիչ, 26-ամյա Գագիկ Պետրոսյանը, վարելով Mazda մակնիշի 80 ՍՕ 800 համարանիշի ավտոմեքենան, Նալբանդյան փողոցում՝ ՀՀ ոստիկանության վարչական շենքի մոտ, վրաերթի է ենթարկել հետիոտնին: Այս մասին հաղորդում է shamshyan.com կայքը:
Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, իր ավտոմեքենայով վրաերթի ենթարկվածին տեղափոխել է թիվ 1 համալսարանական հիվանդանոց, որտեղից հայտնել են, որ նրա կյանքին և առողջությանը վտանգ չի սպառնում:
Նշվում է, որ վրաերթի ենթարկվածը Երևանի բնակիչ, Տնտեսագիտաան համալսարանի (Ժողինստիտուտ) ուսանողուհի, 18-ամյա Լիլիթ Մնացականայանն է, ով ի դեպ, հրաժարվել է բժշկական հետազոտությունից՝ պատճառաբանելով, որ իրեն լավ է զգում, սակայն փախուստի չդիմած վարորդը չի համաձայնվեն նրա հետ և հետազոտման նպատակով նրան տեղափոխել է հիվանդանոց:
Փաստի առթիվ ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի ավագ քննիչ Արսեն Մարգարյանի կողմից նյութեր են նախապատրաստվում:
