Ամերիկյան ոստիկանությունը ձերբակալել է Սպիտակ տունը պայթեցնել պատրաստվող տղամարդուն
Ամերիկյան Associated Press լրատվական գործակալության փոխանցմամբ՝ Վաշինգտոնի ոստիկանությունը ձերբակել է Սպիտակ տունը պայթեցնել սպառնացած տղամարդուն: Վերջինս, մասնավորապես, սպառնացել էր ահաբեկչություն կազմակերպել Սպիտակ տան հարևանությամբ:
Խոսքը գնում է Փենսիլվանիայի նահանգի 44-ամյա բնակիչ Կշիշտոֆ Վասիկի մասին, ով երեկ մոտեցել է կառավարական շենքի դարպասները պահպանող սպաներին և հայտարարել է, որ իր ավտոմեքենայում առկա է պայթուցիկ սարքավորում:
Դրանից հետո ոստիկանները փակել են մերձակա փողոցները և մետրոպոլիտենի մուտքը, սակայն ավտոմեքենայի խուզարկման ժամանակ պայթուցիկ սարք չի հայտնաբերվել: Վասիկը ձերբակալվել է:
