Արամ Հակոբյանը՝ ԱԱԾ պետի տեղակալ
ՀՀ նախագահ Սերժ Սարգսյանը հրամանագիր է ստորագրել Ա. Հակոբյանին Հայաստանի Հանրապետության կառավարությանն առընթեր ազգային անվտանգության ծառայության տնօրենի տեղակալ նշանակելու մասին: Այս մասին նշվում է ՀՀ Նախագահի պաշտոնական կայքում:
«Հիմք ընդունելով «Ազգային անվտանգության մարմիններում ծառայության մասին» Հայաստանի Հանրապետության օրենքի 18-րդ հոդվածի 2-րդ մասը՝ որոշում եմ.
Արամ ՀԱԿՈԲՅԱՆԻՆ նշանակել Հայաստանի Հանրապետության կառավարությանն առընթեր ազգային անվտանգության ծառայության տնօրենի տեղակալ»,-նշվում է հրամանագրում:
ԱԱԾ պետի տեղակալի թափուր մնացած պաշտոնը մինչ նշանակումը զբաղեցնում էր Ֆելիքս Ցոլակյանը, ով նշանակվել է Շիրակի մարզպետ:
