Հյուսիսային Կորեան պատերազմ չի հայտարարել Հարավային Կորեային
Ռուսական РИА Новости լրատվական գործակալության փոխանցմամբ`օտար ԶԼՄ-ների կողմից ներկայացված Հյուսիային Կորեայի կողմից Հարավային Կորեային պատերազմ հայտարարելու մասին տեղեկատվությունը հանդիսացել է սխալ թարգմանության բարդության հետևանք:
Փխենյանի արած հայտարարության բնօրինակ տեքստում միայն ասվում է, որ Հյուսիսային Կորեան գործելու է «ռազմական ժամանակվա օրենքներով»` իր դեմ սադրանքների դեպքում, որոնք կվերաճեն «լիամասշտաբ» և անգամ «միջուկային» պատերազմի:
Դրանում նաև ասվում է, որ Հյուսիսի ու Հարավի միջև հարաբերությունները գտնվում են ռազմական ժամանակվա իրավիճակում: Հայտարարությունում ճշգրտվում է, որ թշնամական սադրանքների դեպքում հարվածներ կհասցվեն Հարավային Կորեայի տարածքին, Հավայան ու Գուամ կղզիներում ԱՄՆ ռազմաբազաներին:
