Մխիթարյանը եվրոպական գերակումբում հանդես գալու բոլոր տվյալներն ունի. Ռոսիցկի

Ինչպես արդեն տեղեկացրել ենք, Վազգեն Սարգսյանի անվան «Հանրապետական» մարզադաշտի մամուլի ասուլիսների սրահում տեղի ունեցավ Չեխիայի ազգային հավաքականի գլխավոր մարզիչ Միխալ Բիլեկի և թիմի ավագ Թոմաշ Ռոսիցկու նախախաղային մամուլի ասուլիսը:

Ռոսիցկին հայտարարեց, որ իրեն շատ ավելի լավ է զգում Դանիայի հետ հանդիպման համեմատ և պատրաստ է խաղադաշտում օգնել թիմակիցներին:

«Արսենալի» կիսապաշտպանը նույնպես շատ կարևորեց վաղը կայանալիք Հայաստանի հավաքականի դեմ հանդիպումը` նշելով, որ անհաջողությունը կնշանակի զրկվել Աշխարհի առաջնության եզրափակիչ փուլի ուղեգրից:

Ռոսցկին խոսեց նաև Հայաստանի հավաքականի առաջատար Հենրիխ Մխիթարյանից. «Անձամբ ինձ դուր է գալիս Մխիթարյանի խաղը: Նա հրաշալի ֆուտբոլիստ է և եվրոպական գերակումբում հանդես գաու բոլոր տվյալներն ունի»:

Մարզական լրահոսն ապահովում է SportArmenia.com-ը