Դանակահարություն՝ Չարենցավան քաղաքի «Լուսավան» ռեստորանի մոտ
Այսօր՝ մարտի 20-ին, դանակահարություն է տեղի ունեցել Կոտայքի մարզում:
Կեսօրին Չարենցավանի բժշկական կենտրոնից Ոստիկանության Չարենցավանի բաժին հայտնել են, որ դանակահարված վիճակում իրենց մոտ են տեղափոխել մի երիտասարդի:
Ինչպես հայտնում է ֆոտոլրագրող Գագիկ Շամշյանը, հիվանդանոց մեկնած ոստիկանության Չարենցավանի բաժնի օպերատիվ խումբը՝ Չարենցավանի ոստիկանապետ Սամվել Տոնոյանի գլխավորությամբ, պարզել են, որ վիրավորը տեղի բնակիչ 42-ամյա Հրայր Եփրեմյանն է, ում բժիշկներն արդեն վիրահատել են:
Ֆոտոլրագրողը հայտնում է, որ Չարենցավանի ոստիկանները պարզել են, որ կենցաղային հարցերի շուրջ նրա և Չարենցավանի բնակիչ 34-ամյա Սարգիս Վերդյանի միջև վիճաբանություն է տեղի ունեցել, որի ժամանակ, ըստ տեղեկությունների, Ս. Վերդյանը դանակահարել է Հ. Եփրեմյանին:
Այս պահին Չարենցավանի ոստիկանները ձեռնարկում են օպերատիվ-քննչական-բացատրական համատեղ գործողություններ, որպեսզի Ս. Վերդյանը ներկայանա ոստիկանություն:
Վիճաբանությունը տեղի է ունեցել Չարենցավան քաղաքի եկեղեցու հարևանությամբ գտնվող «Լուսավան» ռեստորանի մոտ:
