Փարիզում անցկացվել է խոշոր ցույց՝ ընդդեմ միասեռ ամուսնությունների օրինականացման
BBC-ի փոխանցմամբ՝ երեկ Փարիզում անցկացվել է բողոքի խոշոր ակցիա՝ ընդդեմ միասեռական ամուսնությունների թույլատրման վերաբերյալ կառավարության ունեցած պլանների: Այդ ակցիային մասնակցել է ավելի քան 100.000 մարդ:
Թեև Ֆրանսիայում թույլատրված են միասեռական զույգերի քաղաքացիական միությունը՝ նախագահ Ֆրանսուա Օլանդը առաջարկել է մինչև հունիս օրինականացնել միասեռականների ամուսնությունները և նրանց երեխաներ որդեգրելու հնարավորություն ընձեռել:
Ակցիայի կազմակերպիչները հայտարարել են, որ ակցիային մասնակցելու համար ողջ երկրից տասնյակ հազարավոր մարդիկ են ժամանել մայրաքաղաք:
