Փոստանջյանը կփոխարինի՞ Վարդապետյանին
Հնարավոր է, որ ԱԺ «Ժառանգություն» խմբակցության քարտուղար Զարուհի Փոստանջյանը դառնա ԱԺ Գյուղատնտեսության և բնապահպանության հարցերի հանձնաժողովի փոխնախագահ` այդ պաշտոնում փոխարինելով ՀՀԿ-ական Տաճատ Վարդապետյանին:
Վերջինս էլ կդառնա ԱԺ Արտաքին հարաբերությունների հանձնաժողովի փոխնախագահ` փոխարինելով ֆորմալ առումով «Ժառանգություն» խմբակցության անդամ Ալեքսանդր Արզումանյանին:
«Ժառանգությունը» և ԱԺ ղեկավարությունը նման փոխատեղման շուրջ համաձայնության են եկել, ինչը 168.am-ի հետ զրույցում հաստատել է նաև Զարուհի Փոստանջյանը:
Բայց այս ծրագրի իրականացմանը կարող է խոչընդոտել Ալեքսանդր Արզումանյանը, ով առայժմ հրաժարվում է այս հարցի վերաբերյալ հստակ դիրքորոշում ներկայացնել:
