Շահութահարկը չի բարձրանա
Ֆինանսների նախարար Վաչե Գաբրիելյանը հերքել է այն տեղեկությունները, որ կառավարությունը պատրաստվում է բարձրացնել շահութահարկի դրույքաչափը։
Այսօր ԱԺ մշտական հանձնաժողովների նիստում «Բարգավաճ Հայաստան» կուսակցության անդամ Միքայել Մելքումյանը նշել է, որ իր ունեցած տեղեկությունների համաձայն, ֆինանսների նախարարությունը քննարկում է շահութահարկի դրույքաչափը 20%-ից 26% (800 մլն դրամից ավելի շրջանառության դեպքում՝ 31%) բարձրացնելու հնարավորությունը։ Ֆինանսների նախարարը, հերքել է այդ լուրերը՝ նշելով, որ կառավարությունը ներկայացնելու է բիզնես միջավայրի բարելավմանը և հարկային կարգապահության բարձրացմանն ուղղված օրենսդրական փաթեթ, սակայն այս պահին որևէ ավելացում չի նախատեսվում։
