Ֆաինա Հարությունյանը նորաձևության ցուցադրություն է կազմակերպելու
Դիզայներ Ֆաինա Հարությունյանը նոյեմբերի 7-ին և 8-ին կներկայացնի իր նոր հավաքածուն: Այս մասին 168.am-ը տեղեկացավ Ֆաինա Հարությունյանից: «Սա իմ առաջին ցուցադրությունն է լինելու: Այն ստեղծվել է իմ և Absolut բրենդի համատեղ ջանքերով»,- ասաց դիզայները: Նշենք, որ տարվա բոլոր եղանակների համար Ֆաինան անհատական հավաքածուներ է պատրաստում, որոնք ցուցադրվում են դիզայների խանութ-սրահում:
Այս անգամ նորաձևության ցուցադրությունը լինելու է Կասկադում՝ Ռուսական մշակույթի թանգարանում: Հավաքածուն կցուցադրվի երկու օր՝ նոյեմբերի 7-ին և 8-ին: Ցուցադրության առաջին օրը՝ նոյեմբերի 7-ին, այն կներկայացվի հրավիրված հյուրերին, իսկ նոյեմբերի 8-ի առավոտյան ժամը 10:00-ից այն բաց կլինի բոլոր ցանկացողների համար:
