Վարդենիսի հիվանդանոց են դիմել սիբիրախտով հիվանդ մարդիկ
«Գեղարքունիքի մարզի Վարդենիսի տարածաշրջանից ահազանգ է ստացվել, որ տեղի հիվանդանոց են դիմել մարդիկ, որոնց մոտ նկատվել են սիբիրյան խոց հիվանդության ախտանիշներ»,- այս մասին 168.am-ին տեղեկացնում է ՀՀ գյուղնախարարության մամլո ծառայությունը:
Ըստ ՀՀ գյուղնախարարության մամլո ծառայության` հաշվի առնելով այն հանգամանքը , որ նշված հիվանդության աղբյուրը խոշոր եղջերավոր կենդանիներն են, ՀՀ գյուղատնտեսության նախարարությունը Սննդամթերքի անվտանգության պետական ծառայության և «Անասնաբուժասանիտարիայի, սննդամթերքի անվտանգության և բուսասանիտարիայի ծառայությունների կենտրոն» ՊՈԱԿ-ի միջոցով տեղում իրականցնում է համաճարակային իրավիճակի ուսումնասիրություն և կանխարգելիչ միջոցառումներ:
«Ստուգումների արդյունքում առայժմ կենդանիների մոտ սիբիրյան խոց հիվանդության հարուցիչ չի հայտնաբերվել:
Ուսումնասիրություններն ու կանխարգելիչ միջոցառումները շարունակվում են»,- տեղեկացնում է գյուղնախարարությունը:
