Մոսկվայում հայ գործարարի են սպանել
Անհայտ չարագործներն այս գիշեր Մոսկվայի հյուսիսում հրաձգության են ենթարկել Toyota Land Cruiser մակնիշի ավտոմեքենան` սպանելով ներսում գտնվող տղամարդուն, հայտնել է իրավապահ մարմինների աղբյուրը: Ինչպես պարզվել է, սպանվածը հայ գործարար Սերգեյ Բեգլարյանն է:
Միջադեպը տեղի է ունեցել մոսկովյան ժամանակով ժամը 01:00-ի սահմաններում:
Մեքենայում գտնվող տղամարդը տեղում մահացել է:
Հանցագործներին հաջողվել է փախչել դեպքի վայրից: Աղբյուրի տվյալներով` նրանք երկու հոգի են եղել, նրանց նկատմամբ հայտարարվել է հետախուզում:
