Մինչև տարեվերջ Երևանում չջեռուցվող դպրոց չի լինի
Այսօր Կառավարությանը որոշում է կայացրել Երևան քաղաքի չջեռուցվող հիմնական, ավագ և հատուկ դպրոցները ջեռուցման համակարգերով ապահովել, ինչ նպատակով ՀՀ տարածքային կառավարման նախարարությանը Երևանի քաղաքապետարանին կհատկացնի 1 մլրդ 300 մլն դրամ։ Մայրաքաղաքում այժմ կա ջեռուցման համակարգով չապահովված կամ մասամբ ապահովված 36 դպրոց։
Նախորդ երկու տարվա ընթացքում լուծվել է Երևանի բոլոր նախադպրոցական հաստատությունների ջեռուցման հարցը, այժմ իրականացվում է արվեստի և երաժշտական որոշ դպրոցների, ինչպես նաև գրադարանների ջեռուցման սարքավորումների տեղադրումը։
