Իրանում դարձյալ երկրաշարժ է գրանցվել
Իրանի Արևելյան Ատրպատական նահանգում այսօր լուսադեմին դարձյալ երկրաշարժ է տեղի ունեցել:
Ինչպես տեղեկացնում է իրանական MEHR գործակալությունը, երկրաշարժի ուժգնությունն էպիկենտրոնում կազմել է 4.5 մագնիտուդ:
Տուժածների և ավերածությունների մասին տեղեկություններ չեն հաղորդվում:
Հիշեցնենք, որ օգոստոսի 11-ին Իրանում 6.2 մագնիտուդ ուժգնությամբ երկրաշարժ էր տեղի ունեցել, ինչի հետևանքով զոհվել էր 300, վիրավորվել 2 500 մարդ:
Վերջին ցնցումն այստեղ տեղի էր ունեցել սեպտեմբերի 22-ին:
