ՀՀ պաշտպանության նախարարությունը հայտարարություն է տարածել հակառակորդի դավադիր կրակոցից հայ զինվորի զոհվելու կապակցությամբ
Օրերս դիրքերում հակառակորդի դավադիր կրակոցից հայ զինվորի զոհվելու կապակցությամբ Հայաստանի պաշտպանության նախարարությունը հայտարարություն է տարածել, որում մասնավորապես գրված է.
«Հայկական զինված ուժերի N զորամասի մարտական դիրքում հակառակորդի կողմից արձակված գնդակից մահացած ժամկետային զինծառայող, շարքային Վաղինակ Արշավիրի Բաղդասարյանի մահվան առնչությամբ՝ ՀՀ պաշտպանության նախարարությունը հայտնում է իր խորին ցավակցությունը զինվորի ծնողներին և հարազատներին: Մեզ համար սա շատ ծանր կորուստ է:
Նման քայլերով հակառակորդը նպաստում է սահմանագծում իրավիճակի ապակայունացմանը: Հայկական կողմը նման սադրիչ գործողությունները անպատասխան չի թողնի, որի պատասխանատվությունը լիովին ընկնում է ադրբեջանական կողմի վրա»:
