Սերբիայում ռազմական օդանավն ընկել է բնակելի թաղամասի վրա
Սերբիայի հյուսիսում այսօր ռազմական ինքնաթիռի ավիավթարի հետևանքով զոհվել է օդաչուն, իսկ նրա օգնականն ստացել է վնասվածքներ: Այս մասին հայտնում է «Ազատություն» ռադիոկայանը:
Սերբիայի պաշտպանության նախարարության տեղեկություններով՝ ինքնաթիռն ընկել է Նովա Պազովա քաղաքի բնակելի թաղամասի վրա: Երջանիկ պատահականությամբ այլ տուժածներ չկան:
Աղետը տեղի է ունեցել պլանային թռիչք իրականացնելիս:
Կատարվում է հետաքննություն՝ պարզելու կատարվածի մանրամասները:
