Տեր-Պետրոսյանը շարունակում է լռել

Քիչ առաջ ավարտվել է Հայ ազգային կոնգրեսի քաղխորհրդի նիստը: Չնայած խորհրդի որոշ անդամների սպասումներին, որ նիստի ժամանակ կարող է քննարկվել առաջիկա հանրահավաքի անցկացման հարցը և կարող են որոշվել կոնկրետ ժամկետներ, նիստի օրակարգում նման հարց դարձյալ չի ընդգրկվել:

Խորհրդի անդամներին հերթական անգամ տեղեկացրել են, որ Տեր-Պետրոսյանը դեռևս որևէ որոշում չի կայացրել նախագահական ընտրություններում առաջադրվելու  հարցի շուրջ, և քանի դեռ նման որոշում չկա, հանրահավաքի հարցը մնում է անորոշ:

168.am-ի տեղեկություններով, երեկ Լևոն Տեր-Պետրոսյանը եղել է ՀԱԿ  կենտրոնական գրասենյակում, սակայն նա ևս, իր առաջիկա պլանների մասին չի խոսել:

Լուսանկարը` Գագիկ Շամշյանի