Իրանը կդադարեցնի մինչև 20 տոկոս ուրանի հարստացումը, եթե Արևմուտքը հրաժարվի պատժամիջոցներից
ԱԷՄԳ-ում Իրանի մշտական ներկայացուցիչ Ալի Ասղար Սոլթանիեն հայտարարել է, թե Իրանն առաջարկել է, որ կդադարեցնի մինչև 20 տոկոս ուրանի հարստացումը, եթե Արևմուտքը հրաժարվի Իրանի դեմ սահմանած պատժամիջոցներից, հաղորդում է իրանական Mehr News լրատվական գործակալությունը:
Սոլթանիեն հավելել է, որ այդ առաջարկն արվել է սեպտեմբերի 18-ին Ստամբուլում տեղի ունեցած Իրանի միջուկային ծրագրի հարցով գլխավոր բանագնաց Սայիդ Ջալիլիի և ԵՄ-ի դիվանագիտության ղեկավար Քեթրին Էշթոնի հանդիպման ժամանակ:
Սոլթանիեի խոսքերով՝ Իրանը միայն պատասխան քայլերի դեպքում է պատրաստ հրաժարվել մինչև 20 տոկոս ուրանի հարստացումից:
