Խոշոր ավտովթար Թուրքիայի արևմուտքում. կան բազմաթիվ զոհեր ու վիրավորներ
Թուրքական Hürriyet թերթի փոխանցմամբ՝ Թուրքիայի հյուսիսիարևմտյան հատվածում գտնվող Բոլու քաղաքում տեղի է ունեցել ճանապարհա-տրանսպորտային ծանր պատահար: Ստամբուլ-Անկարա ճանապարհին միմյանց են բախվել ուղևորատար ավտոբուսը, մեծածավալ բեռնատարը և միկրոավտոբուսը:
Նախնական տվյալներով՝ այդ շղթայական վթարի հետևանքով զոհվել է 9 և վիրավորվել 34 մարդ: Վթարից անմիջապես հետո դեպքի վայրում հավաքվել են մեծ թվով շտապօգնության մեքենաներ, որոնք վիրավորներին փոխադրել են մոտակա հիվանդանոցներ: Տարվում է հետաքննություն:
