Ճապոնիայի նախկին վարչապետը ընտրվել է ընդդիմադիր խոշորագույն կուսակցության ղեկավար
Ճապոնիայի նախկին վարչապետ Սինձյո Աբեն այսօր ընտրվել է երկրի ընդդիմադիր խոշորագույն Լիբերալ-դեմոկրատական կուսակցության ղեկավար:
Լիբերալ-դեմոկրատական կուսակցության անդամների քվեարկության երկրորդ փուլում Աբեն պարտության է մատնել Ճապոնիայի պաշտպանության նախկին նախարար Սիգերա Իսիբեին: Այս մասին հայտնում է «Ազատություն» ռադիոկայանը:
Սինձյո Աբեն հայտնի է իր կոշտ դիրքորոշմամբ՝ կապված արտաքին քաղաքականության հետ, այդ թվում՝ Չինաստանի հետ Սենկակու կղզիների տարածքային վեճում:
Այն դեպքում, եթե լիբերալ-դեմոկրատները հաղթեն խորհրդարանական հաջորդ ընտրություններում, Աբեն կվերադառնա Ճապոնիայի վարչապետի պաշտոնին:
