Իրաքը սպառնացել է Իրաքը սպառնացել է կործանել իր օդային սահմանը խախտած թուրքական ինքնաթիռները
Ամերիկյան The New York Times թերթին տված հարցազրույցի ժամանակ Իրաքի խորհրդարանի անվտանգության հանձնաժողովի փոխնախագահ Իսքենդեր Վիթվիթն իր դժգոհությունն է հայտնել Թուրքիայի կողմից Հյուսիսային Իրաքի շարունակաբար ռմբակոծումների կապակցությամբ:
Հիշեցնենք, որ գրեթե ամեն անգամ, երբ Թուրքիայում ահաբեկչական հռչակված ու արգելված Քրդստանի աշխատավորական կուսակցության (PKK) զինյալները քիչ թե շատ խոշոր հարձակում են իրականացնում Թուրքիայի տարածքում, դրանից անմիջապես հետո թուրքական օդուժը ռմբակոծում է Հյուսիսային Իրաքի տարածքը, ուր գտնվում են PKK-ի ճամբարները:
Վիթվիթը հայտարարել է, որ Ղանդիլի ռմբակոծմամբ Թուրքիան խախտում է Իրաքի օդային տիրույթը: Նա սպառնացել է, որ Իրաքը այսուհետ կկործանի իր օդային սահմանը խախտած թուրքական ինքնաթիռները:
