Վիկտոր Դալլաքյանը նշանակվեց ՀՀ նախագահի աշխատակազմի ղեկավարի տեղակալ
Հայաստանի նախագահ Սերժ Սարգսյանը հրամանագիր է ստորագրել, ըստ որի՝ Վիկտոր Դալլաքյանը նշանակվել է Հայաստանի Հանրապետության նախագահի աշխատակազմի ղեկավարի տեղակալ՝ ազատվելով Հայաստանի Հանրապետության Ազգային ժողովում Հայաստանի Հանրապետության նախագահի մշտական ներկայացուցչի պաշտոնից:
Նախագահի մամուլի գրասենյակից հայտնում են, որ միեւնույն ժամանակ, ՀՀ նախագահի որոշմամբ՝ Հայաստանի Հանրապետության Ազգային ժողովում Հայաստանի Հանրապետության նախագահի մշտական ներկայացուցչի լիազորությունները վերապահվում են Հայաստանի Հանրապետության Նախագահի աշխատակազմի ղեկավարի տեղակալին՝ Վիկտոր Դալլաքյանին:
