Ադրբեջանի պաշտպանության նախարարը Բաքվում Թուրքիայի դեսպանի հետ քննարկել է ռազմական համագործակցության հարցեր

Բաքվում տեղի է ունեցել Ադրբեջանի պաշտպանության նախարար, գեներալ Սաֆար Աբիևի ու Ադրբեջանում Թուրքիայի նորանշանակ դեսպան Ալփեր Ջոշքունի հանդիպումը:

Ըստ ադրբեջանական Trend լրատվական գործակալության՝ հանդիպման ժամանակ կողմերը քննարկել են Թուրքիայի ու Ադրբեջանի միջև ռազմական համագործակցության հեռանկարները, ինչպես նաև տարածաշրջանի ռազմա-քաղաքական իրավիճակը: Այս մասին նշված է Ադրբեջանի պաշտպանության նախարարության մամլո ծառայության տարածած հաղորդագրության մեջ: