ՌԱԿ նորընտիր կենտրոնական վարչությունը փորձելու է համագործակցել Հայաստանի ռամկավարների հետ
Ֆրանսիայի Լիոն քաղաքում ավարտվել է ՌԱԿ 26-րդ ընդհանուր պատգամավորական ժողովը, որի ընթացքում այլ հարցերի հետ միասին պատգամավորները անդրադարձել են նաև Հայաստանում ՀՌԱԿ և Արմենական-ՌԱԿ միավորման փաստին:
ՌԱԿ 26-րդ ընդհանուր պատգամավորական ժողովը ողջունել է Հայաստանում «Ռամկավար ազատական կուսակցության» պաշտոնական ճանաչումը: Ըստ այդմ, ժողովը հանձնարարել է ՌԱԿ նորընտիր կենտրոնական վարչությանը կապ հաստատել ՌԱԿ հանրապետական վարչության հետ և համատեղ խորհրդակցություններով, լայն համագործակցության համապարփակ եզրեր որոնել` միաժամանակ մշակելով համատեղ ծրագրեր:
ՌԱԿ Հանրապետական վարչությունը ողջունում է Լիոնի 26-րդ համագումարի որոշումը Մայր հայրենիքում կուսակցության միավորման նկատմամբ դրական դիրքորշում ձևավորելու և շուտափույթ կերպով բանակցությունները սկսելու համար` Հայաստանի և Սփյուռքի ՌԱԿ կառույցների միջև համագործակցության և համատեղ հետագա գործունեության նպատակով:
