ՄԱԿ-ի գլխավոր քարտուղարը Իրանի նախագահի հետ բանակցել է տարածաշրջանի խնդիրների շուրջ
ՄԱԿ-ի գլխավոր քարտուղար Պան Գի Մունը սեպտեմբերի 23-ին Նյու Յորքում զրույց է ունեցել Իրանի նախագահ Մահմուդ Ահմադինեջադի հետ:
«Գլխավոր քարտուղարն Իրանին կոչ է արել անհրաժեշտ միջոցներ ձեռնարկել, որպեսզի միջազգային հանրությանը համոզի միջուկային ծրագրի բացառապես խաղաղ բնույթը», – ասված է հահդիպման ավարտից հետո ՄԱԿ-ի մամուլի ծառայության տարածած հաղորդագրությունում, հայտնում է «Կոմսոմոլսկայա պրավդան»:
Ինչպես հայտնում է ԻՏԱՌ-ՏԱՍՍ-ը, միջազգային կազմակերպության ղեկավարը մատնանշել է տարածաշրջանի համար ծանր հետեւանքները, որին կարող է հանգեցնել Սիրիայում իրադրության վատացումը, նշվում է հաղորդագրությունում:
Գլխավոր քարտուղարը նաեւ մատնանշել է տարածաշրջանի երկրների կողմից ատելության հրահրման, ինչպես նաեւ միմյանց նկատմամբ սպառնալիքների անթույլատրելիությունըը: Պան Գի Մունը հույս է հայտնել, որ Իրանը «կշարունակի կառուցողական դեր խաղալ միջազգային հարաբերություններում»:
Այս օրերին Նյու Յորքում տեղի է ունենում ՄԱԿ-ի ԳԱ-ի 67-րդ նստաշրջանը, որին մասնակցում են աշխարհի 120 երկրների առաջնորդներ:
