Կատալոնիայի վարչապետը սպառնում է անկախության հանրաքվեով
Կատալոնիայի կառավարության ղեկավար վարչապետ Արթուր Մասը Իսպանիային սպառնացել է արտահերթ ընտրություններ և անկախության հարցով հանրաքվե անցկացնել:
Ինչպես նշում է Euromag-ը` 2 կողմերի միջև կոնֆլիկտն առաջացել է Մադրիդի կողմից Կատալոնիայից չափից ավելի շատ հարկերի գանձման պատճառով:
Երբ Իսպանիայի վարչապետ Մարիո Ռախոյը կատալոնացիներին մերժել է բյուջե ուղարկվող հարկերի չափն անձամբ որոշելու խնդրանքը, Մասը սպառնացել է արտահերթ ընտրություններ անցկացնել:
Քաղաքական վերլուծաբանները գտնում են , որ նրա կուսակցությունը բոլոր շանսերն ունի մեծամասնություն ստանալու և անկախության հանրաքվե անցկացնելու համար:
«Մենք պետբյուջե ենք վճարում 12 միլիարդ եվրոյով ավելի, քան դրա փոխարեն ստանում ենք: Ուստի չենք ցանկանում Իսպանիայի աղքատ շրջանների բնակիչների պատճառով կաշվից դուրս գալ»,- ասել է Մասը:
